|Sunday, January 21, 2018
You are here: Home » मनोरंजन » सूर नवा ध्यास नवामध्ये सांगितिक नजराणा

सूर नवा ध्यास नवामध्ये सांगितिक नजराणा 

संगीत म्हणजे ध्यास, संगीत म्हणजे तपस्या आणि संगीत म्हणजे निखळ आनंद. प्रत्येक क्षण खास हवा या सूत्रावर आधारित चैतन्यपूर्ण गाण्यांचा नवा सांगीतिक कार्यक्रम प्रेक्षकांसाठी घेऊन येत आहे कलर्स मराठी. सूर आणि ताल यांच्या अनोख्या खेळाने बहरलेला रंगमंच आणि सोबत धमाकेदार वाद्यवफंद म्हणजे हा सांगीतिक नजराणा. या रंगमंचावर सप्तसुरांच्या दुनियेतील नवनवे अविष्कार प्रेक्षकांसमोर सादर करणार आहेत त्यांचेच काही लाडके गायक. सूर नवा, ध्यास नवा या कार्यक्रमाद्वारे रसिकांच्या मनावर अधिराज्य करणाऱया महाराष्ट्रातील लोकप्रिय गायकांना एकाच मंचावर आणून त्यांच्यातील चुरस बघण्याची सुवर्णसंधी प्रेक्षकांना मिळणार आहे.

महाराष्ट्राची लाडकी तेजश्री प्रधान पहिल्यांदाच या कार्यक्रमाद्वारे सूत्रसंचालकाच्या भूमिकेत दिसणार आहे तर आपल्या सुरेल आवाजाने प्रेक्षकांच्या मनात अढळ स्थान निर्माण केलेले राष्ट्रीय पुरस्कार विजेते महेश काळे तसेच हरहुन्नरी अदाकार अवधूत गुप्ते, स्टनिंग लुक आणि रॉकिंग सूर यांचं फ्युजन असलेली रॉकस्टार शाल्मली खोलगडे या कार्यक्रमाचे परीक्षक आहेत. उत्तमातून उत्तम सूर शोधण्याचा हा ध्यास सोम ते बुध रात्री 9.30 वाजता फक्त कलर्स मराठीवर पाहायला मिळणार आहे.

संगीत आणि गाणं याच्याशी मराठी माणसाची एक वेगळीच नाळ जुळलेली आहे. पारंपरिक शास्त्राrय संगीत असो वा आधुनिक मराठी संगीत रसिकांनी या संगीताला नेहमीच आपल्या हृदयात जपलं आहे. मराठी रसिकांच्या या संगीत प्रेमाचा विचार करून त्यांच्यासाठी एक अद्भुत मैफल घेऊन येण्याचा विचार कलर्स मराठीने केला आहे. मराठी संगीत क्षेत्रात सध्या महत्वपूर्ण कामगिरी करत असलेली पंधरा रत्नं घेऊन कलर्स मराठीने या मैफिलीचा घाट घातला आहे. या 15 रत्नांनी आपल्या आवाजाने महाराष्ट्रात जरी ओळख निर्माण केली असली तरीही सूर नवा ध्यास नवा कार्यक्रमाच्या मंचावर सगळेच जण आपला एक नवा सूर शोधण्याचा प्रामाणिक प्रयत्न करणार आहेत. या 15 स्पर्धकांमध्ये वैशाली माडे, प्रसेनजीत कोसंबी, श्रीरंग भावे, जुईली जोगळेकर, ज्ञानेश्वर मेश्राम, प्रल्हाद जाधव यांसारखे अजूनही काही गायक असणार आहेत.

या क्षणी बोलताना कलर्स मराठी वायाकॉम 18 चे निखिल साने म्हणाले की, संगीत आणि महाराष्ट्राचं अतूट नातं आहे. मराठी मातीतून अनेक दर्जेदार आणि उत्तम गायक आपल्याला मिळाले आहेत. संगीताबद्दलची हीच आवड लक्षात घेऊन आम्ही प्रेक्षकांसाठी वेगळय़ा ढंगाचा कार्यक्रम घेऊन येत आहोत. कार्यक्रमाविषयी बोलताना महेश काळे म्हणाले, या रिऍलिटी शोच्या प्रवासामध्ये मी अगदीच नवखा असून माझ्यासाठी हा संपूर्ण प्रवास नवीन आहे. तसेच या कार्यक्रमामध्ये आलेली ही गायक मंडळी अशाचप्रकारच्या वेगवेगळय़ा कार्यक्रमामधून आलेली आहेत. पण, एक गोष्ट मी आवर्जून सांगेन या कार्यक्रमाच्या निमित्ताने मला उत्तम गाणी ऐकायला मिळणार आहेत याचा मला नितांत आनंद आहे. पंडित जितेंद्र अभिषेकी यांचे सानिध्य मला लाभले हे माझं भाग्य, त्यांच्याकडून मला शिकायला मिळालेल्या अमूल्य गोष्टी या कार्यक्रमाद्वारे मी स्पर्धकांना देण्याचा प्रयत्न करणार आहे.

Related posts: