|Saturday, August 18, 2018
You are here: Home » Top News » अयोध्या वादातील ‘ती’ जमीन राम मंदिराला – शिया बोर्ड

अयोध्या वादातील ‘ती’ जमीन राम मंदिराला – शिया बोर्ड 

ऑनलाईन टीम / नवी दिल्ली :

अयोध्यामधील मुस्लिमांना मिळालेल्या वादग्रस्त जमिनीचा खरा दावेदार केंद्रीय शिया वक्फ बोर्ड आहे. कारण बाबरी मशीद मीर बाकी यांनी बनवली होती व ते एक शिया होते. त्यामुळे अलाहाबाद हायकोर्टाने मुस्लिमांना दिलेली एक तृतियांश जमीन राम मंदिर बनवण्यासाठी हिंदुंना दान द्यायची आहे, असे आज केंद्रीय शिया वक्फ बोर्डाने सुप्रीम कोर्टात स्पष्ट केले.

शिया वक्फ बोर्डाच्यावतीने ज्ये÷ वकील एस. एन. सिंह यांनी सुप्रीम कोर्टात ही माहिती दिली. देशाची एकता, शांती आणि सद्भावना यासाठी शिया वक्फ बोर्ड अयोध्यामधील वादग्रस्त जमीन राममंदिरासाठी दान करण्याच्या बाजुने आहे. तर दुसरीकडे, बामियान बुद्धाच्या मूर्त्यांना मुस्लिम तालिबानने नष्ट केले होते तर बाबरी मशिदीला हिंदू तालिबानने उद्ध्वस्त केले आहे, असे मुस्लिम आणि सुन्नी वक्फ बोर्डाचे ज्ये÷ वकील राजीव धवन म्हणाले. याआगोदर शिया बोर्डाने ही जमीन दान करण्याचे म्हटले आहे. सुप्रीम कोर्टात आज मुस्लिम पक्षकारांची राम मंदिराच्या जमिनीसंबंधी सुनावणी करण्यात आली. सरन्यायाधीश दीपक मिश्रा, न्यायाधीश अशोक भूषण आणि न्यायाधीश एस. एस नजीर यांच्या विशेष खंडपीठासमोर 17 मे रोजी हिंदू संघटनांची सुनावणी झाली होती. राममंदिरासाठी झालेल्या आंदोलनात 6 डिसेंबर 1992 साली अयोध्यामधील बाबरी मशीद पाडण्यात आली होती. अलाहाबाद हायकोर्टाने 30 सप्टेंबर 2010 साली अयोध्या टायटल वादाप्रकरणी निर्णय दिला होता. त्यावेळी कोर्टाने स्पष्टपणे सांगितले होते की, वादग्रस्त जमिनीचे तीन भाग झाले पाहिजेत. ज्या जागेवर रामची मूर्ती आहे ती जागा रामला द्यायला हवी. सीता रसोई आणि राम चबुतरा निर्मोही आखाडय़ाला समान जागावाटप झाल्यानंतर उर्वरित एक तृतियांश जागा सुन्नी वक्फ बोर्डाला द्यायला हवी, असे कोर्टाने आदेश दिले होते.

Related posts: