|Friday, November 16, 2018
You are here: Home » Top News » दिल्लीतून ISISच्या दोन दहशतवाद्यांना अटक

दिल्लीतून ISISच्या दोन दहशतवाद्यांना अटक 

ऑनलाईन टीम / नवी दिल्ली :

दिल्ली पोलिसांच्या विशेष पधकाने गुरुवारी रात्री दोन दहशतवाद्यांना अटक केली आहे. परवेझ आणि जमशेद अशी या दोघांची नावे असून पोलिसांनी त्यांना लाल किल्ल्याजवळील जामा मशीदीकडील बसस्टॉपवरून ताब्यात घेतले. हे दहशतवादी इस्लामिक स्टेट इन जम्मू काश्मीर (ISJK) शी जोडलेले असल्याची पोलिसांची माहिती आहे.

पोलिसांच्या विशेष शाखेच्या पोलीस उपअधीक्षकांनी शुक्रवारी ही माहिती दिली. ISJK चा असा दावा आहे की ती संघटना इस्लामिक स्टेटशी जोडलेली आहे. या दहशतवाद्यांकडून दोन पिस्तुल, 10 काडतुसे, 4 मोबाईल फोन हस्तगत करण्यात आले आहेत. ही शस्त्रे त्यांनी उत्तर प्रदेशातून खरेदी केली होती, अशी पोलिसांची माहिती आहे. हे दहशतवादी दिल्लीहून काश्मीरला जात होते. मिळालेल्या माहितीनुसार, दोघांपैकी एक दहशतवादी काश्मीरमध्ये राहातो. दोघांविरुद्ध एफआयआर दाखल करण्यात आली असून गुप्तचर यंत्रणआ दोघांची चौकशी करत आहेत. यापैकी परवेझ याच्या भावाचा मृत्यू जानेवारीत सुरक्षा दलाशी झालेल्या चकमकीत झाला होता. परवेझ आधीपासून दहशतवादी संघटना हिजबुल मुजाहिदीनचा सदस्य होता आणि नंतर त्याने इस्लामिक स्टेट इन जम्मू काश्मीर जॉइन केली. या दोन्ही दहशतवाद्यांची दिल्लीत कोणता हल्ला घडवण्याची कुठलीही योजना नव्हती. त्यांचा पहिला नेता उमर नजीर आणि तर दुसऱया क्रमांकाचा नेता आदिल थोकर आहे. दोघेही आदिल थोकरच्या आदेशानुसार काम करत होते. त्यांना पाच दिवसांची पोलीस कोठडी सुनावण्यात आली आहे.

Related posts: