|Monday, November 19, 2018
You are here: Home » Top News » पाच लाखांसाठी महिलेचा खून करून मृतदेह लटकवला

पाच लाखांसाठी महिलेचा खून करून मृतदेह लटकवला 

ऑनलाईन टीम / हिंगोली :

पाच लाख रूपयांसाठी विवाहितेचा गळा दाबून हत्या केल्याची घटना हिंगोलीच्या वसमत तालुक्मयात घडली आहे. हत्या केल्याचा संशय येऊ नये यासाठी तिचा मृतदेह लटकवण्यात आला. या प्रकरणी सासरच्या पाच जणांविरुद्ध गुन्हा नोंदविण्यात आला आहे. वसमतमधील गुलशननगर भागात 13 सप्टेंबरला सकाळी ही घटना घडली. यानंतर पोलिसांनी घटनास्थळी धाव घेतली, तेंव्हा सलमा बेगम अब्दुल रहमान या महिलेचा मृतदेह लटकलेल्या अवस्थेत होता.

मृत सलमा बेगम यांचे वडील मोहम्मद खलील महम्मद शिकूर यांच्या तक्रारीनुसार, सासरच्या मंडळींचा व्यवसाय वाढवण्यासाठी 4 ते 5 लाख रुपयांची मागणी करत होते. पण मागणी पूर्ण न झाल्याने सासरची मंडळी कायम सलमा बेगमचा शारीरिक आणि मानसिक छळ करत होते. त्यानंतर 13 तारखेला त्यांनी तिचा गळा दाबून खून केला. हत्येचा संशय येऊ नये यासाठी तिने आत्महत्या केल्याचं दाखवण्यासाठी सासरच्या लोकांनी मृतदेह लटकवला. या प्रकरणी मृत महिलेचा पती अब्दुल रहमान गुलाम अहमद, दीर आरेफ गुलाम अहमद, जाऊ समीनाबी आरेफ, सासरा गुलाम अहमद, सासू जैनबी यांच्याविरोधात तक्रार दाखल केली आहे. त्यांच्या तक्रारीनंतर सगळय़ांवर कलम 498(अ), 302, 34, भांदवि अंतर्गत वसमत शहर पोलिस ठाण्यात गुन्हा दाखल करुन पुढील तपास सुरु आहे.

Related posts: