|Monday, November 19, 2018
You are here: Home » Top News » शिर्डीत प्रधानमंत्र्यांना भेटायला निघालेल्या तृप्ती देसाईंना पुणे पोलिसांनी घेतल ताब्यात

शिर्डीत प्रधानमंत्र्यांना भेटायला निघालेल्या तृप्ती देसाईंना पुणे पोलिसांनी घेतल ताब्यात 

ऑनलाईन टीम / शिर्डी :

प्रधानमंत्री नरेंद्र मोदी आज एक दिवसीय शिर्डी दौऱयावर आहेत. साईबाबांच्या समाधीच्या शताब्दी उत्सवाचा आज समारोप होणार आहे. त्या निमित्ताने प्रधानमंत्री झाल्यानंतर नरेंद्र मोदी पहिल्यांदाच शिर्डीत आले. दरम्यान, पुण्याहून शिर्डीला यायला निघालेल्या सामाजिक कार्यकर्त्या तृप्ती देसाई यांना पुण्यातच पोलिसांनी ताब्यात घेतले आहे. शबरीमाला प्रकरणी तृप्ती देसाई या प्रधानमंत्री नरेंद्र मोदी यांना भेटण्यासाठी जात असतांना त्यांनी नगर पोलिस अधीक्षकांना निवदेनही दिले होते. मात्र, त्याआधीच पुणे पोलिसांनी देसाईंना ताब्यात घेतले.

प्रधानमंत्री नरेंद्र मोदींचं विमान आज सकाळी 10 वाजण्याच्या सुमारास शिर्डी विमानतळावर उतरले. त्यानंतर सव्वा दहानंतर मोदी साईंच्या दर्शनाला मंदिरात पोहोचले. सव्वा अकराच्या सुमारास मोदी जनतेला संबोधणार आहेत. तसेच, राज्यभरात बांधलेल्या घरकुलांपैकी 20 हजार लाभार्थ्यांना या कार्यक्रमात घरकुल वाटप करण्यात येणार आहे. त्यानंतर साडे बाराच्या सुमारास मोदी शिर्डीतून निघतील. पंतप्रधान ज्यावेळी साईबाबा समाधी मंदिरात दर्शनासाठी येतील, त्यावेळी इतर भाविकांनाही दर्शन घेता येणार असल्याची माहिती शिर्डी संस्थानच्या मुख्य कार्यकारी अधिकारी रूबल अग्रवाल यांनी दिली. सुरक्षेच्या कारणास्तव सर्वसामान्य भाविकांना प्रवेश नाकारण्यात येणार अशी शक्यता व्यक्त होत होती. मात्र प्रधानमंत्री कार्यलयातूनच भाविकांना त्रास होणार नाही, असे नियोजन करण्याच्या सूचना करण्यात आल्या आहेत. शिर्डी संस्थानचे सुरक्षारक्षक आणि पोलिस कर्मचारी असा 4 ते 5 हजार कर्मचाऱयांचा बंदोबस्त तैनात करण्यात आला आहे.

Related posts: