|Sunday, January 20, 2019
You are here: Home » Automobiles » 15 कोटींची ‘ही’ गाडी भारतात कुणाकडेही नाही

15 कोटींची ‘ही’ गाडी भारतात कुणाकडेही नाही 

ऑनलाईन टीम / नवी दिल्ली :

जगातली सर्वात महागडी गाडी अशी ओळख असलेल्या कर्लमन किंग (Karlmann King) एसयूव्ही गाडी जगभरात केवळ १२ लोकांकडे आहे. विशेष म्हणजे ही गाडी भारतात अद्याप एकानेही खरेदी केलेली नाही. ही गाडी बनवण्यासाठी ३० हजार तास लागतात. युरोपच्या १८०० लोकांच्या पथकाने ही गाडी बनवली आहे.
या गाडीचे इंजिन फोर्ड एफ-५५० प्लेटफॉर्मवर बनवले असून या गाडीची लांबी ‘हमर’ या सुप्रसिद्ध गाडीपेक्षाही लांब आहे. ही गाडी तासाला १४० किलोमीटरपर्यंत धावू शकते. या गाडीचे वैशिष्ट्ये म्हणजे ही गाडी ४० डिग्री ते २०० डिग्री तापमानापर्यंत सहज सामना करू शकते. ६.८ लीटरचे व्ही१० इंजिन असून ते ४०० बीएचपीचे पॉवर देते. या गाडीत अनेक सुविधा देण्यात आल्या आहेत. सॅटेलाइट टीव्ही, फ्रिज, सॅटेलाइट फोन, कॉफी मशीन आणि जेवण करण्यासाठी टेबल आहे. या सर्व फीचर्सना मोबाइल अॅपवरून ऑपरेट केले जावू शकते. या एसयूव्ही कंपनीनं आतापर्यंत केवळ १२ गाड्या बनवल्या असून यात एकाही भारतीयांचा समावेश नाही, हे विशेष.

Related posts: