बेंगळूर/प्रतिनिधी
राज्याच्या मुख्यमंत्री पदाचा बी. एस. येडियुरप्पांनी राजीनामा दिल्यानंतर त्यांच्या जागी येडियुरप्पांचे निकटवर्ती बसवराज बोम्माई यांची मुख्यमंत्री म्हणून निवड करण्यात आली. दरम्यान, मुख्यमंत्र्यांची आवड झाली पण आमंत्रिमंडळ निवड अद्याप बाकी आहे. त्यामुळे प्रत्येकजण मंत्रिमंडळात स्थान मिळावे यासाठी प्रयत्न करत आहेत. खास करून भाजपच्या वरिष्ठ नेत्यांमध्ये अस्वस्थ शांतता आहे कारण त्यांना वृध्द नेत्यांच्या जागी नवीन चेहऱ्यांना संधी द्यायची असल्याने वरिष्ठ नेते अस्वस्थ आहेत, असे सूत्रांनी सांगितले.
६ नवीन चेहरे आणि ५ उपमुख्यमंत्री
पक्षाच्या सूत्रांनी दिलेल्या माहितीनुसार, मुख्यमंत्री बसवराज बोम्माई आणि पक्षाच्या वरिष्ठ अधिकाऱ्यांनी मंत्रिमंडळात ६ नवीन चेहऱ्यांना संधी देण्यावर सहमती दर्शविली आहे. असे म्हटले जाते की, बोम्माई यांनी अनुसूचित जाती, जमाती, इतर मागास समाज, लिंगायत आणि वोक्कलिगा जातींना प्रतिनिधित्व देण्यासाठी पाच उपमुख्यमंत्र्यांची निर्मिती प्रस्ताव केला आहे. त्यामुळे बोम्माईच्या प्रस्तावावर हायकमांड तसेच माजी मुख्यमंत्री येडियुरप्पा यांनी सहमती दर्शवली आहे, असे सूत्रांनी स्पष्ट केले.
राष्ट्रीय स्वयंसेवक संघाचे नेते जातीच्या धर्तीवर मंत्रिमंडळ बनवताना संकोच करतात असे म्हटले जाते आणि उपमुख्यमंत्र्यांच्या पदांच्या निर्मितीमुळे आपापसात अनावश्यक शत्रुत्व निर्माण होईल असेही मत आहे. नवीन मंत्रिमंडळात पदावरून काढून टाकल्याची बातमी त्यांच्यापर्यंत पोहोचल्यानंतर भाजपचे वरिष्ठ नेते, ज्यांना पुन्हा मंत्रिमंडळात समावेश व्हावा असे वाटत आहे, ते अस्वस्थ असल्याचे सांगितले जाते.
स्थान टिकवण्यासाठी लॉबिंग
माजी मुख्यमंत्री जगदीश शेट्टर, एस.सुरेशकुमार, आर.अशोक आणि माजी उपमुख्यमंत्री गोविंद कारजोळ हे पक्षात आपले स्थान टिकवण्यासाठी जोरदार लॉबिंग करत आहेत. पक्षाने पहिल्या टप्प्यात २१ ते २५ मंत्र्यांना मंत्रिमंडळात समाविष्ट करण्याचा निर्णय घेतला आहे. प्रतिक्रिया पाहिल्यानंतर भविष्यात निर्णय घेतला जाईल, असा दावा सूत्रांनी केला आहे.
माजी मंत्री दिल्लीत तळ ठोकून
काँग्रेसमधून भाजपमध्ये सामील झालेले बहुतेक आमदार मंत्रिमंडळात येण्याची शक्यता आहे. येडियुरप्पा त्यांच्याबद्दल सातत्याने सहानुभूतीपूर्ण वक्तव्य करत आहेत, असे पक्षाच्या सूत्रांनी सांगितले. दरम्यान, माजी मंत्री उमेश कट्टी, सी.सी. पाटील, सी.पी. योगेश्वर, माजी उपमुख्यमंत्री लक्ष्मण सवदी आणि आमदार अरविंद बेल्लद नवी दिल्लीत तळ ठोकून आहेत आणि वरिष्ठ नेत्यांना भेटत आहेत.
