उत्तराखंडकरता काँग्रेसच्या उमेदवारांची दुसरी यादी सोमवारी रात्री उशिरा जाहीर झाली. कालाढूंगी मतदारसंघाच्या उमेदवारीचे प्रबळ दावेदार महेश शर्मा यांना संधी नाकारण्यात आल्याने त्यांच्या समर्थकांमध्ये नाराजी आहे. पक्षाने प्रभावशाली महेश शर्मा यांना तिसऱयांदा फसविल्याचे त्यांच्या समर्थकांचे म्हणणे आहे. समर्थकांना संबोधित करताना महेश शर्मा भावुक झाल्याचे दिसून आले. परंतु त्यांनी अपक्ष म्हणून निवडणूक लढविण्याचा निर्णय अद्याप घेतलेला नाही. महेश शर्मा यांना काँग्रेसने 2012 आणि 2017 च्या निवडणुकीतही उमेदवारी दिली नव्हती. ज्यानंतर त्यांनी अपक्ष म्हणून निवडणूक लढविली होती, परंतु त्यांना विजय मिळविता आला नव्हता. पण त्यांनी लक्षणीय मते मिळवून काँग्रेसला स्वतःच्या राजकीय शक्तीची जाणीव करून दिली होती.
निवडणुकीनंतर त्यांनी पुन्हा काँग्रेसमध्ये प्रवेश केला होता. 2022 च्या निवडणुकीत उमेदवारी मिळण्याचे आश्वासन त्यांना देण्यात आले होते. परंतु काँग्रेसने यावेळी माजी खासदार डॉ. महेंद्र पाल यांना उमेदवार म्हणून घोषित केले आहे. एक ते दोन दिवसांनी निवडणूक लढविण्यासंबंधी निर्णय घेणार असल्याचे शर्मा यांनी सांगितले आहे.
Tarun Bharat Portal
Parasharam Patil is a versatile content writer, scriptwriter, and content producer at Tarun Bharat Media. Specializes in editorial news, local news entertainment, and political content. His captivating storytelling and deep industry knowledge make him an expert in crafting engaging narratives.
Add A Comment
