बेळगाव : मुंबई-कर्नाटकातील प्रसिद्ध चित्रपट वितरक आणि प्रदर्शक रमेश नरहरी रायकर (वय 74, रा. हुबळी) यांचे शुक्रवारी अल्पशा आजाराने बेंगळूर येथे निधन झाले. त्यांच्या पश्चात पत्नी, मुलगा, तीन मुली, दोन भाऊ, बहीण असा परिवार आहे. शुक्रवारी रात्री हुबळी येथे शोकाकुल वातावरणात अंत्यसंस्कार करण्यात आले. बेळगाव येथील स्वरुप-नर्तकीचे संचालक अविनाश पोतदार, चित्राचे व्यवस्थापक सुनील पंडित यांच्यासह चित्रपट क्षेत्रातील मंडळी यावेळी उपस्थित होती. रमेश रायकर हे बेळगाव, हुबळी-धारवाड, विजापूर, कारवार, अंकोलासह उत्तर कर्नाटकात 15 हून अधिक चित्रपटगृहे चालवत होते. सुमारे 50 वर्षांपासून चित्रपट वितरक म्हणून त्यांनी आपली कारकीर्द गाजविली आहे. त्यांच्या निधनाने एक यशस्वी चित्रपट वितरकाला आपण मुकलो आहोत, अशा शब्दात अविनाश पोतदार व पंडित यांनी शोक व्यक्त केला.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
