बेळगाव : मुडबिद्री, दक्षिण कन्नडा येथे 36 व्या ज्युनियर राज्यस्तरिय ऍथलेटिक्स स्पर्धेत झफरखान सरवर याने तिहेरी उडीत प्रथम क्रमांक व लांब उडीत द्वितीय क्रमांक पटकावित सुवर्ण व रौप्यपदक मिळविले असून, त्याची गुवाहाटी येथे होणाऱया राष्ट्रीय स्पर्धेसाठी कर्नाटक संघात निवड झाली आहे. अल्वाज एज्युकेशन फौंडेशनतर्फे आयोजित करण्यात आलेल्या ज्युनियर ऍथलेटिक्स स्पर्धेत झफर महंमदअली खान याने तिहेरी उडीत प्रथम क्रमांक पटकाविला. त्याचप्रमाणे लांब उडीत दुसरा क्रमांक पटकाविला. 6 ते 10 फेब्रुवारी दरम्यान आसाम, गुवाहाटी येथे राष्ट्रीय ज्युनियर ऍथलेटिक्स स्पर्धेसाठी त्याची कर्नाटक राज्य ऍथलेटिक्स संघात निवड झाली आहे. त्याला ऍथलेटिक्स प्रशिक्षक प्रदीप जुवेकर, शिरिष सांबरेकर यांचे बहुमोल मार्गदर्शन, वडील महंमदअली सरवर यांचे प्रोत्साहन लाभत आहे. झफरखान हा महंमदअली व कट्टणभावी येथील सरकारी शाळेतील शिक्षिका हसिना मेहबूब पठाण यांचा सुपुत्र आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
