ट्रिपल कॅमेरासह मल्टी कलर्सचा पर्याय
वृत्तसंस्था/ नवी दिल्ली
पोकोने भारतीय बाजारामध्ये आपला ‘पोको एम-3’ स्मार्टफोन सादर केला आहे. यामध्ये ट्रिपल कॅमेरा आणि वॉटरड्रॉप नॉच डिस्प्लेची सुविधा राहणार आहे. फोनमध्ये स्नॅपड्रगन 662 प्रोसेसरसोबत 128 जीबी ऑनबोर्ड स्टोरेज सुविधा मिळणार असल्याचे कंपनीने सांगितले आहे.
फोनमध्ये मल्टी कलर्स पर्यायांची निवड करुन ग्राहकांना सदरचा स्मार्टफोन खरेदी करता येणार आहे. यासोबतच पोकोएम-2 याचे अपग्रेड व्हर्जन आहे. रियलमी 7 आय सॅमसंग गॅलेक्सी एम-11 आणि मोटोरोला जी-9 पॉवर या मॉडेलशी पोकोची मोठी टक्कर राहणार असल्याचे अभ्यासकांनी म्हटले आहे.
सदरचा स्मार्टफोन दोन मॉडेलमध्ये सादर केला आहे. 6 जीबी रॅम आणि 64 जीबी स्टोरेजच्या फोनची किमत 10,999 रुपये आहे आणखी एका 6 जीबी आणि 128 जीबी स्टोरेज फोनची किमत 11,999 रुपये आहे.
फोनमधील फिचर्स
पोकोच्या नव्या फोनमध्ये दोन नॅनो सिमचा वापर करता येणार असल्याचे कंपनीने सांगितले. अँड्रॉइडमध्ये 10 बेस्ट एमआययुआय 12 ऑपरेटिंग सिस्टमवर वापरता येणार आहे. डिस्प्ले 6.53 इंच पूर्ण एचडी राहणार आहे.
