बेंगळूर : कोरोनाची लागण झालेल्या मुलांवर योग्यरित्या उपचार करण्यासाठी डॉक्टरांना प्रशिक्षण दिले जात आहे, अशी माहिती महसूलमंत्री आर. अशोक यांनी दिली. बेंगळुरातील निम्हान्स इस्पितळाच्या सभागृहात बेंगळूर महापालिकेच्या इस्पितळांमधील डॉक्टर्स व खासगी डॉक्टरांसाठी आयोजिलेल्या दोन दिवसिय प्रशिक्षण शिबिराचे उद्घाटन करून ते बोलत होते. कोरोनाच्या तिसऱया लाटेचा मुलांवर परिणाम होण्याची शक्यता असल्याचा इशारा तज्ञांनी दिला आहे. त्यामुळे बेंगळूर शहरातील 25 लाख मुलांच्या आरोग्याच्या दृष्टीने डॉक्टरांना मुलांवरील उपचाराबाबत प्रशिक्षण देण्याचा निर्णय घेतला आहे. राज्यात बालरोग तज्ञांची कमतरता आहे. त्यामुळे कोरोनाबाधित मुलांवर उपचार करण्यासाठी इतर डॉक्टरांना प्रशिक्षण दिले जात आहे. याचबरोबर 10 बालरोग तज्ञ डॉक्टरांचे पथक नेमण्यात येणार आहे. कोरोनाबाधित मुलांना कोणत्या पद्धतीने उपचार करावेत याविषयी या पथकाद्वारे मिळणार आहे, असे ते म्हणाले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
