बेंगळूर : आगामी राष्ट्रीय फुटबॉल हंगामासाठी बेंगळूर युनायटेड एफसी संघाने स्लोव्हानियाचा लुका मॅजेसेन, स्पेनचा पेद्रो मांझी यांच्याशी नुकताच नवा करार केला असल्याची माहिती या क्लबच्या वरिष्ठ अधिकाऱयांनी दिली. बेंगळूर युनायटेड एफसी संघाने सुपर डिव्हिजन फुटबॉल स्पर्धेत विजेतेपद मिळविले आहे. आगामी फुटबॉल हंगामासाठी अधिक भक्कम संघ बनविण्यावर या क्लबने प्रयत्न सुरू ठेवले आहेत. लुका मॅजेसेन आणि पेद्रो मांझी हे आक्रमक फुटबॉलपटू म्हणून ओळखले जातात. गेल्यावर्षीच्या आय लीग हंगामात 32 वर्षी मॅजेसेनने चर्चिल बद्रर्स संघाचे प्रतिनिधीत्व करताना 11 गोल नोंदविले होते. स्पेनच्या मांझीने 2018-19 च्या आय लीग हंगामात चेन्नाई सिटी एफसी संघाचे प्रतिनिधीत्व केले होते. मांझीने त्या वर्षींच्या आय लीग हंगामात 26 गोल नोंदवून गोल्डन बुटचा पुरस्कार मिळविला होता. आता आगामी फुटबॉल हंगामात होणाऱया पहिल्या डय़ुरँड चषक फुटबॉल स्पर्धेत मॅजेसेन आणि मांझी बेंगळूर एफसी संघाकडून खेळतील.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Add A Comment
