बेंगळूर/प्रतिनिधी
राज्यात कोरोना पॉझिटिव्ह रुग्णांची सांख्य कमी होत आहे. तसेच कोरोना पॉझिटिव्हिटी दरही कमी कमी होत आहे. आता २९ दिवसानंतर हा दर २० टक्क्यांच्या खाली पोहोचला आहे. यापूर्वी २७ एप्रिल रोजी सकारात्मकतेचे प्रमाण १८.७१ टक्क्यांपर्यंत खाली आले होते.
राज्यात पूर्ण लॉकडाऊन केल्यापासून कोरोना पॉझिटिव्ह रुग्णांची संख्या कमी होताना दिसत आहे. तर पॉझिटिव्ह रुग्णांपेक्षा कोरोनामुक्त रुग्णांची संख्या दिवसेंदिवस वाढत आहे. राज्यात सध्या ४ लाखाहून अधिक रुग्ण उपचारात आहेत.
गेल्या २४ तासांत राज्यात २६,८११ नवीन कोविड रुग्ण आढळले, तर ४०,७४१ रुग्णांनी कोरोनावर मात केली आहे. यासह, राज्यात एकूण संक्रमित लोकांची संख्या २४,९९,७८४ वर पोहोचली आहे. यापैकी २०,६२,९१० कोरोनाचा पराभव केला आहे. कोविडमुळे राज्यात २६,९२९ रुग्णांचा मृत्यू झाला आहे. त्यापैकी बुधवारी ५३० रुग्णांचा मृत्यू झाला. राज्यात ४,०९,९२४ रुग्णांवर उपचार सुरू आहे. राज्यात रुग्ण बरे होण्याचा दर ८२.५२ टक्के आणि मृत्यूचे प्रमाण १.०७ टक्के आहे. त्याच वेळी, कोरोना प्रकरणातील मृत्यूचे प्रमाण २.५८ टक्क्यांवरून १.९७ टक्क्यांपर्यंत खाली आले आहे.
