प्रतिनिधी / बेळगाव
‘अयोध्येतील श्रीराम मंदिराच्या उभारणीसाठी मला निधी द्यावयाचा आहे. मी वयस्कर आहे. कृपया येऊन निधी घेऊन जा’, असे सांगत अशोकनगर येथील मुदकाप्पा बशेट्टी यांनी रविवारी 1 लाख 11 हजार 111 रुपयांचा धनादेश श्रीराम मंदिर निर्माण समितीच्या कार्यकर्त्यांना दिला. बशेट्टी यांची रामभक्ती पाहून आणि त्यांनी दिलेला भरघोस निधी स्वीकारताना कार्यकर्त्यांना गहिवरून आले. रविवारी मंदिर निर्माण समितीचे मुख्य कार्यकर्ते व विहिंपचे कर्नाटक उत्तर प्रांताचे सहकोषाध्यक्ष कृष्णा भट यांच्याकडे बशेट्टी यांनी आपली नात श्राव्या हिच्या हस्ते हा धनादेश दिला. याप्रसंगी बसू मुरगोडी, निखिल कोळेकर आणि अरुण गौडा उपस्थित होते.