क्रीडा प्रतिनिधी /बेळगाव
पदवीपूर्व शिक्षण खात्यातर्फे घेण्यात आलेल्या जिल्हास्तरीय कुस्ती स्पर्धेत आदर्श विद्यामंदिर पदवीपूर्व महाविद्यालयाच्या अस्मिता नाईकने रौप्यपदक पटकावले. यामुळे तिची राज्यस्तरीय स्पर्धेसाठी निवड झाली आहे.
सदर स्पर्धेत 46 किलो वजनी गटात अस्मिता नाईकने अंतिम फेरीत प्रवेश केला. अंतिम फेरीत मात्र तिला पराभव पत्करावा लागल्याने रौप्यपदकावर समाधान मानावे लागले. बेंगळूर येथे होणाऱया कुस्ती स्पर्धेसाठी तिची बेळगाव संघात निवड झाली आहे. त्याचप्रमाणे जोतिबा नाईक याने या स्पर्धेत कांस्यपदक पटकाविले. त्यांना संस्थेचे चेअरमन माजी खासदार अमरसिंग पाटील, महाविद्यालयाचे प्राचार्य के. पी. शिवराई व प्राध्यापक वर्गाचे प्रोत्साहन लाभत आहे.