वृत्तसंस्था/ भुवनेश्वर
इंडियन सुपरलिग फुटबॉल स्पर्धेत खेळणाऱया ओडिशा एफसी संघाचे प्रमुख कार्यकारी अधिकारी (सीईओ) आशिष शहा यांनी निरोप घेण्याचे ठरविले आहे.
आशिष शहा आणि ओडिशा एफसी यांच्यात तीन वर्षांचा करार यापूर्वी करण्यात आला होता. या कराराची मुदत आता संपत आली आहे. ओडिशा एफसी संघाच्या अधिकाऱयांनी तसेच संघातील खेळाडूंनी आपल्याला सहकार्य केल्याबद्दल शहा यांनी त्यांचे आभार मानले आहेत. भविष्यकाळामध्ये इंडियन सुपरलिग फुटबॉल स्पर्धेत ओडिशा एफसी हा संघ बलवान म्हणून ओळखला जाईल, असे सांगून या संघाला सीईओ शहा यांनी शुभेच्छा दिल्या आहेत. ओडिशा एफसी संघाचे अध्यक्ष रोहन शर्मा यांनी आशिष शहा यांच्या कामगिरीचे कौतुक केले आहे.