लंडन / वृत्तसंस्था
इंग्लिश क्रिकेट संघाचे मुख्य प्रशिक्षक ख्रिस सिल्वरवूड यांना प्रशिक्षकपदावरुन डच्चू देत असल्याची ईसीबीने घोषणा केली. इंग्लंडचा संघ विंडीज दौऱयावर जाणार असून त्यावेळी अंतरिम प्रशिक्षक नेमण्याबाबत कार्यवाही केली जाईल, असे ईसीबीने येथे नमूद केले. ईसीबीचे सीईओ टॉम हॅरिसन यांनी विंडीज दौऱयासाठी माजी इंग्लिश कर्णधार ऍन्ड्रय़ू स्ट्रॉस हे काळजीवाहू प्रशिक्षक असतील, असे यापूर्वी म्हटले आहे. दरम्यान, पदच्यूत प्रशिक्षक सिल्वरवूड यांनी खेळाडू, सहायक पथकासह व्यवस्थापनाचे आभार मानले. ‘मागील दोन वर्षे बरीच आव्हानात्मक होती. पण, मी या कालावधीत माझी जबाबदारी पार पाडण्याचा पूर्ण आनंद घेतला’, असे ते म्हणाले.