सिडनी
ऑस्ट्रेलिया पुन्हा एकदा कोरोनाच्या संकटात सापडला आहे. अलीकडच्या काळात डेल्टा व्हेरीयंटचे न्यू साऊथ वेल्समध्ये 1 हजार 756 कोरोना रुग्ण आढळून आल्याने प्रशासनाची चिंता वाढली आहे. याशिवाय चार जणांचा कोरोनाने मृत्यु झाल्याची माहिती पुढे आली आहे. जूनच्या मध्यापासून डेल्टा व्हेरीयंटचा प्रभाव ऑस्ट्रेलियात वाढत असताना दिसला आहे. शनिवारी एकाच दिवशी सर्वाधिक 1700 हून अधिक कोरोना रुग्ण आढळल्याने प्रशासनाची झोप उडाली आहे. धोका वाढत असल्याचा इशारा प्रशासनाने दिला असून लोकांनी लवकरात लवकर लस घेण्याचे आवाहन करण्यात आले आहे. व्हिक्टोरियात 190 रुग्ण, राजधानीत 32 आणि क्वीन्सलँडमध्ये 1 रुग्ण कोरोनाचा आढळून आलाय.