ऑनलाईन टीम / नवी दिल्ली :
भारतीय लष्कराच्या 254 आर्मी एव्हिएशन स्क्वाड्रनचे हेलिकॉप्टर जम्मू-काश्मीरच्या कठुआमधील रंजीत सागर धरणाजवळ कोसळले. आज सकाळी 10.20 मिनिटांनी हे हेलिकॉप्टर मामून कँटनमधून उडाले होते. घटनास्थळी बचाव पथके दाखल झाली असून, बचाव कार्याला वेग आला आहे. या हेलिकॉप्टरमध्ये नेमके किती लोक होते, याची माहिती अद्याप समोर आली नसल्याचे कठुआ जिल्ह्याचे एसएसपी आर सी कोतवाल यांनी सांगितले.