बेंगळूर/प्रतिनिधी
कर्नाटकला १० मे ते १६ मे या कालावधीत रेमडेसिवीरचा पुरवठा २,६२,३४६ इतका होणार आहे, असे आरोग्यमंत्री डॉ. के. सुधाकर यांनी शुक्रवारी ट्विट करून सांगितले सांगितले.
दरम्यान मंत्री सुधाकर यांनी एका ट्विटमध्ये पंतप्रधान नरेंद्र मोदी आणि केंद्रीय मंत्री डी. व्ही. सदानंद गौडा यांनी कोविड -१९ विरुद्ध राज्यातील लढाई मजबूत करण्यासाठी सतत समर्थन दिल्याबद्दल आभार मानले.
राज्यात कोरोनाच्या रुग्णांमध्ये मोठ्या प्रमाणात वाढ होत असताना रेमडेसिवीरच्या तुटवड्यामुळे मात्र राज्य संकटात होते. मोठ्या प्रमाणात रेमडेसिवीरची मागणी वाढली आहे. नुकत्याच झालेल्या पंतप्रधानांसोबतच्या बैठकीत मुख्यमंत्र्यांनी याबाबत लक्ष केंद्रित केले.
दरम्यान,कर्नाटकातील बेंगळूर शहरी जिल्ह्यात सक्रिय सक्रिय रुग्णांची संख्या सर्वाधिक आहे. गुरुवारी बेंगळूर शहरी जिल्ह्यात २३,७०६ जणांना कोरोनाची लागण हाळी आहे. तर राज्यात गुरुवारी एकूण ४९,०५८ रुग्णांची भर पडली असून राज्यात सध्या सक्रिय रुग्णांची संख्या पाच लाखाच्यावर गेली आहे.