बेंगळूर/प्रतिनिधी
कर्नाटकात नवीन कोरोना रुग्णसंख्येत दररोज कमी जास्त वाढ होताना दिसत आहे. राज्यात गेल्या २४ तासात ६७७ नवीन कोविड रुग्णांची नोंद झाली. याचवेळी १,६७८ रुग्ण कोरोनावर मात करत रुग्णालयातून घेरी परतले. तर २४ रुग्णांचा मृत्यू झाला आहे.राज्यात सोमवारी दिवसासाठी सकारात्मकता दर ०.६० टक्के होता, तर केस मृत्यू दर (सीएफआर) ३.५४ टक्के होता.
दरम्यान, राज्यात एकूण संक्रमित रुग्णांची संख्या २९,६८,५४३ झाली आहे. यापैकी २९,१६,५३० रुग्ण कोरोनातून बरे झाले आहेत. तर एकूण ३७,६२७ जणांचा मृत्यू झाला आहे. दरम्यान, राज्यात एकूण सक्रिय प्रकरणांची संख्या १४,३५८ इतकी आहे.
राज्यात सोमवारी नोंदवलेल्या ६७७ नवीन रुग्णांपैकी २१३ रुग्ण बेंगळूर शहरी जिल्ह्यातील आहेत. दम्यान बेंगळूर शहरी जिल्ह्यात सोमवारी ३६२ रुग्ण कोरोनावर मात करत रुग्णालयातून घरी परतले. तर ७ जणांचा मृत्यू झाला आहे.