जीएसटी परतावा घोटाळाप्रकरणी मुंबईतील व्यावसायिकास अटक
मिरज / प्रतिनिधी
कुडनुर ता.जत येथे बोगस नोंदणी केलेल्या भंगार व्यवसायिकाने मुंबईत वर्सोवा येथील नेसिल मेटल डीलर्सला साहित्य पुरवठा केल्याचे निष्पन्न झाले आहे. या कंपनीचा संचालक असलेल्या एका व्यावसायिकास जीएसटी विभागाने अटक केली असून, या घोटाळाप्रकरणी जत पोलिसही त्याच्याकडे चौकशी करणार आहेत.
गुजरातमधील भंगार व्यवसायाची नोंदणी जत तालुक्यातील कुडनूर या गावात करुन सुमारे ३० लाखाचा जीएसटी परतावा घोटाळाप्रकरणी जतमध्ये गुन्हा दाखल करण्यांत आला आहे. कुडनूरमधील देवीदास चौगुले या शेतकर्याचे नावे जीएसटी नोंदणी करून 2 कोटी रुपये जीएसटीची बिले फाडणार्या गुजरातमधील भंगार व्यावसायिकासह दोघांविरुद्ध जत पोलिसांत गुन्हा दाखल करण्यांत आला आहे.