कुपवाड / प्रतिनिधी
घरगुती कारणावरुन सतत चिडविल्याने याचा जाब विचारण्यास गेलेल्या एका तरुणास दहा ते बाराजणांनी संगनमत करून काठी, दगड व लाथाबुक्क्यांनी बेदम मारहाण केल्याची घटना घडली आहे. याबाबत कुपवाड पोलिसांत नोंद झाली आहे.
या हल्ल्यात रोहित राजाराम झेंडे (वय २३,रा.शिवनेरीनगर, कुपवाड) हा जखमी झाला असून त्याच्यावर सांगलीच्या शासकीय रुग्णालयात उपचार सुरू आहेत. पोलिसांनी याप्रकरणी संशयित अनिल पुकळे, सुनिल पुकळे, सिध्दू पुकळे, बाळू नेमाणे, संतोष शिंदे (सर्व रा.शिवनेरीनगर, कुपवाड) व अन्य अनोळखी साथीदार मिळून बारा जणांविरोधातयांच्यावर गुन्हा दाखल केला आहे.