कुर्डुवाडी / प्रतिनिधी
शहरातील बालोद्यान चौकात असलेल्या बारदानाच्या दुकानाला अचानक आग लागल्याने दुकानातील बारदाना जळून सुमारे एक लाखाचे नुकसान झाले असल्याची प्राथमिक माहिती आहे. ही घटना शुक्रवारी दि. १५ रोजी दु.३ वा. सुमारास घडली. आग नेमकी कशाने लागली याचे कारणमात्र समजू शकले नाही. यावेळी जमलेल्या तरूणांनी आग विझवण्यासाठी तत्परता दाखवल्याने याची झळ इतर दुकांनाना बसली नाही.
लाॅकडाऊनमध्ये जनता कर्फ्यु पुकारण्यात आल्यामुळे सर्व दुकाने बंद होती. परिसर सर्व शांत असताना दुपारी ऐन उन्हाच्या तडाख्यात बारदान्याच्या दुकानाला आग लागली. जवळच हाकेच्या अंतरावर असलेले दीपक पेट्रोलियम चे मालक अमोल जगदाळे यांना ही माहिती मिळताच ते आपल्या सहकाऱ्यांसह पंपातील फायर फायटर घेऊन मदतीसाठी धावले आणि फायर फायटरच्या मदतीने आग आटोक्यात आणली. सौरभ परबत यांनी पाण्याचा टँकर व विठ्ठलराव शिंदे कारखान्याचा अ्ग्नीशमन बंबांच्या सहाय्याने परिस्थितीवर पूर्ण नियंत्रण मिळवले.
दुकानामध्ये सुमारे एक लाख रुपयांचा साखर बारदाना होता. लाॅकडाऊनमुळे आधीच आर्थिक अडचण होती. यामध्ये बारदाना जळाल्याने मोठी भर पडली आहे. शासनाकडून भरपाई मिळावी. अशी मागणी दुकानदार बबलु शेंडे याने केली आहे.
Previous Articleशासननिर्णयातील शुध्दीपत्रकाने ‘वारणा’ ची धुगधुग कायम
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.