कॅम्प पोलीस स्थानकात एफआयआर
प्रतिनिधी / बेळगाव
मोची गल्ली, कॅम्प येथील एक महिला गेल्या दोन महिन्यांपासून बेपत्ता झाली आहे. यासंबंधी तिच्या पतीने कॅम्प पोलीस स्थानकात फिर्याद दिली असून पोलीस तिचा शोध घेत आहेत.
माधवी उमेश कामटे (वय 35) असे तिचे नाव आहे. 16 मार्च रोजी सकाळी 10 वाजता ब्युटीपार्लरला कामाला जाण्याचे सांगून माधवी आपल्या घराबाहेर पडली होती. ती अद्याप घरी परतली नाही. पती उमेश कामटे यांनी मंगळवारी कॅम्प पोलीस स्थानकात फिर्याद नोंदविली आहे.
5.6 फूट उंची, गहू वर्ण, गोल चेहरा, सरळ नाक असे तिचे वर्णन आहे. घराबाहेर पडताना या महिलेने काळी चुडीदार परिधान केली होती. ती तेलगु, कन्नड, मराठी व हिंदी बोलते. या महिले विषयी कोणाला माहिती मिळाल्यास कॅम्प पोलीस स्थानकाशी 0831-2405234 या क्रमांकाशी संपर्क साधण्याचे आवाहन करण्यात आले आहे.#ta