वारणानगर / प्रतिनिधी
कोडोली येथे मुंबईवरून आलेल्या एकाचा अहवाल कोरोना पॉझिटिव्ह आला आहे. त्यामुळे तालुक्यात पन्नास हजारावर लोकसंख्या असलेल्या कोडोलीत सर्वत्र एकच खळबळ उडाली आहे. पन्हाळा येथील एकलव्य कोरोना सेंटरमध्ये पोहचण्यास उशीर झाल्याने एका दिवसासाठी त्यास कोडोली येथे प्राथमिक स्तरावर संस्थात्मक क्वारंटाईन केले होते.
याबाबतची माहिती अशी, कोडोली येथील मुंबईत रहाणारी एक व्यक्ती कोल्हापूर येथील हॉस्पिटल मध्ये नियमीत वैद्यकिय तपासणी कामी येते यावेळीही सदर व्यक्ती मुंबई येथून पत्नी व मुलासह आले होते. पोलिसांनी त्याला कोरोनाविषाणूच्या तपासणी कामी पन्हाळा येथील एकलव्य कोरोनाकेअर सेंटर येथे पाठविले होते. लॅब मध्ये स्वॅप घेणेची वेळ संपल्यानंतर सदर व्यक्ती केअर सेंटर मध्ये आल्याने त्यास कोडोली येथे संस्थात्मक क्वारंटाईन साठी मंगळवारी पाठविले होते . बुधवारी सकाळी त्याला एकलव्य केअर सेंटर येथे स्वॅप देणेसाठी पाठविले होते. गुरुवारी रात्री त्याचा कोरोणा अहवाल पॉझीटीव्ह आल्याचे माहिती समजताच सर्वत्र खळबळ उडाली आहे .
येथील ग्रामस्तर समितीच्या सदस्यांनी कोरोनाविषाणूचा प्रादुर्भाव रोखणेसाठी दक्षपणे काम केले होते. परंतु या एका घटनेमुळे गाळ्बोट लागल्याची चर्चा कोडोलीत होऊ लागली आहे. संस्थात्मक क्वॉरंटाईन असल्याने या तरुणाचा अन्य नागरीकांशी सपंर्क आलेला नाही तरी नागरिकांनी घाबरणेचे आवश्यकता नसल्याचे सरपंच व ग्रामस्तर समितीचे अध्यक्ष शंकर पाटील यांनी सांगितले. त्यामुळे परंत क्वारंटाईन सेंटरवर प्रशासनामार्फत कार्यरत असलेल्या कर्मचाऱ्यांना क्वारंटाईन करणेचा निर्णय घेणेत आला आहे.