नेसरी / वार्ताहर
कोल्हापूर जिल्ह्यातील नेसरी भागात जोराच्या वादळी वाऱ्यासह गारांच्या वर्षावात मुसळधार पावसाने रविवारी सायंकाळी पाचच्या सुमारास तासभर थैमान घातले.
रविवारी सकाळ पासूनच उष्माने दिवसभर हैराण होत होते. सायंकाळी अचानक ढगाळ वातावरण तयार होत वादळी वाऱ्याला सुरवात झाली. तर त्यानंतर जोराचा पाऊस आणि गारपीटानचा वर्षाव असा पाऊस तब्बल तासभर कोसळून सर्वत्र पाणीच पाणी करून सोडले. रस्त्यावरील धावणाऱ्या वाहनांना तर समोरील काय जोराच्या पावसामुळे काय दिसून येत नसल्यामुळे वाहने जिथल्या तिथे थांबल्याची दिसून आली.
अचानक आलेल्या या मुसळधार पावसामुळे सर्वांची तारांबळ उडाली. या पावसाचा रब्बी पिकांना मोठा फटका बसणार असून झालेल्या पावसाने मात्र हवेत गारवा निर्माण झाला आहे.