रविवारी सकाळी खोराटवाडी, भादवण, खेडे, हाजगोळी परिसरात वावर
प्रतिनिधी / आजरा
संपूर्ण तालुक्यात मुक्त संचार करीत असलेल्या हत्तीने रविवारी सकाळी मानवी वसाहतीमधून रपेट मारली. सकाळी भादवण, खोराटवाडी येथे व्यंकटेश काजू फॅक्टरी परिसरात हत्ती बराच वेळ थांबून होता. तेथून हत्ती पुन्हा भादवण येथून खेडे गावातून हत्ती हिरण्यकेशी नदी पार करून हाजगोळी गावच्या शिवारात दाखल झाला होता.
वनविभागाचे पथक सकाळपासून हत्तीच्या हालचालीवर लक्ष ठेवून आहे. खेडे, सोहाळे येथील तरुणही यांचेही सहकार्य मिळत आहे. हत्तीने मसोबा देवालयाजवळून सोहाळेच्या बाजूला मार्गक्रमण केले आहे. सध्या हत्ती परतीच्या मार्गावर असल्याचे दिसते.