हुल्यानूर-हलग्याजवळ कारवाई
प्रतिनिधी / बेळगाव
बेळगाव तालुक्यातील गावठी दारू अड्डय़ांवर छापे टाकण्यात आले आहेत. हुल्यानूर परिसरातील एक व हलगा परिसरातील दोन अड्डे अधिकाऱयांनी उद्ध्वस्त केले आहेत.
गेल्या चार दिवसांपासून अबकारी विभागाचे जयरामेगौडा एम. बी., रवी मुरगोड, सी. एस. पाटील, लिंगराज व त्यांच्या सहकाऱयांनी कारवाई सुरू ठेवली आहे. यासंबंधी तीन स्वतंत्र गुन्हे दाखल करण्यात आले असून तीन अड्डे अधिकाऱयांनी उद्ध्वस्त केले आहेत.
31 ठिकाणी कारवाई करण्यात आली असून 175 लिटर गुळाचे रसायन, दहा लिटर गावठी दारू जप्त करण्यात आली आहे. एकीकडे गावठी दारू अड्डय़ांवर छापे टाकण्याबरोबरच गावठी दारूच्या दुष्परिणामाविषयी जागृती करण्यात येत असल्याचे अबकारी अधिकाऱयांनी सांगितले.