पांगुळगल्ली अश्वत्थामा मंदिरात चोरी, परिसरात भितीचे वातावरण
प्रतिनिधी / बेळगाव
गेल्या चार दिवसांपूर्वी खडेबाजार बेळगाव येथील अंबाबाई मंदिरातील चोरीची घटना ताजी असतानाच आज पांगुळगल्ली येथील अश्वत्थामा मंदिरात चोरी झाल्याने भितीचे वातावरण पसरले आहे.
मंगळवारी सकाळी मंदिर स्वच्छ करण्यासाठी महिला आली होती. तिने मंदिरासमोरचा परिसर स्वच्छ केला. त्यानंतर गाभाऱयाचा दरवाजा उघडून पाठीमागच्या बाजूला असलेल्या मारूती मंदिराची स्वच्छता करत असताना केवळ दहा मिनिटात अश्वत्थामा मूर्तीवरील मुखवटा चोरटय़ाने लांबविला आहे.
तीन किलो चांदीचा हा मुखवटा तीन किलो वजनाचा होता असे सांगण्यात आले. या घटनेची मार्केट पोलिस स्थानकात नोंद करण्यात आली आहे.