ऑनलाईन टीम / जम्मू :
जम्मू काश्मीरमध्ये दिवसेंदिवस कोरोना रुग्णांची संख्या वेगाने फैलावत आहे. आज दिवसभरात 1251 नवे कोरोना रुग्ण आढळले आहेत. त्यामुळे एकूण रुग्णांची संख्या 42 हजार 241 वर पोहोचली आहे.
मिळालेल्या माहितीनुसार, आज मिळालेल्या नव्या रुग्णांमध्ये जम्मूतील 739 आणि काश्मीर मधील 512 जणांचा समावेश आहे. सद्य स्थितीत 9 हजार 547 रुग्णांवर उपचार सुरू आहेत. यामध्ये जम्मूतील 3975 आणि काश्मीरमधील 557
त्यातच दिलासादायक बाब म्हणजे आतापर्यंत 31 हजार 924 रुग्णांची प्रकृती सुधारली असून त्यांना घरी सोडण्यात आले आहे. यामध्ये 7084 रुग्ण जम्मूतील तर 24840 जण काश्मीरमधील आहेत.
तर आतापर्यंत 770 जणांचा कोरोनामुळे मृत्यू झाला आहे. यामध्ये जम्मूतील 91 जण तर काश्मीरमधील 679 जणांनी आपला जीव गमावला आहे.
आतापर्यंत 4 लाख 76 हजार 330 नमुने नोंद करण्यात आले होते. सध्या राज्यात 43 हजार 668 लोक होम क्वारंनटाईनमध्ये आहेत तर 9 हजार 547 लोक हॉस्पिटलमधील आयसोलेशन कक्षात आहेत.