प्रतिनिधी / कोल्हापूर
जवाहरनगर बी. वार्ड येथील डी. पी. रोडवर तार मारुन अतिक्रमण केल्याने या भागात राहणाऱया 14 कुंटुब त्रस्त झाली आहेत. महापालिकेने तात्काळ लक्ष घालून रस्ता खुला करुन द्यावा, अशी मागणी केली आहे. याबाबतचे निवेदन आयुक्त कादंबरी बलकवडे यांना देले आहे.
जवाहर नगर येथील गट क्रमांक 626/4 मधून 1985 पासून गट क्रमांक 626 मधील रहीवाशांसाठी रस्ता सोडण्यात आला आहे. तेव्हापासून त्यांची रस्त्यावर वहीवाट आहे. या रस्त्यावरुन कायमची वहीवाट असताना नाईक परिवाराने रस्त्यावर तारेचे कुंपन मारुन रस्ता अडवला आहे. त्यामुळे 626 गटामधील रहिवाशांना रहदारीसाठी रस्ताच उरला नाही. याचा लहान मुले, वयोवृद्धांना त्रास होत आहे. असे आयुक्तांना दिलेल्या निवेदनात म्हटले आहे. रस्ता खुला करुन द्यावा अशी मागणी केली आहे. निवेदनावर राहुल शिंदे, मारुती पोवार, शोभा पोवार, सुशिला पोवार, अजंना मोहिते, दिलीप काळे, दिलीप मोरे, गिरीष पोळ, प्रविण साठे, दिलावहर बागवान, कृष्णा शिंदे, साहेबलाल शेख, राजेश कांबळे आदींच्या सहÎा आहेत.