कोरोना पॉझिटीव्ह रूग्ण संख्या आता 18 वर
प्रतिनिधी / बेळगाव
बेळगाव जिल्हय़ातील कोरोना पॉझिटीव्ह रूग्णांच्या संख्येत आणखी एका रूग्णाची भर पडली आहे. मंगळवारी दुपारी प्रकाशित झालेल्या आरोग्य खात्याच्या माहिती पत्रकामध्ये याचा तपशील देण्यात आला आहे. त्यानुसार बेळगाव जिल्हय़ातील एका 33 वषीय तरुणाला कोरोना झाला असल्याचे जाहीर करण्यात आले आहे. यामुळे रूग्णांची संख्या आता 18 वर पोहोचली आहे. त्यामुळे बेळगाव जिल्हा रूग्ण संख्येमध्ये तिसऱया स्थानावर आहे. रूग्ण संख्येत दिवसेंदिवस भर पडत असून, त्यामुळे प्रशासनाची चिंता वाढली आहे. सदर रूग्ण हा दिल्ली येथील मरकज कार्यक्रमात सहभागी होऊन परतल्यानंतर त्याला या विकाराची लागण झाल्याचे निदर्शनास आले आहे.