तरुण भारतचा अंदाज ठरला खरा
दापोली प्रतिनिधी
दापोली नगरपंचायतीच्या शुक्रवारी पार पडलेल्या नगराध्यक्ष निवडणुकीत महाविकास आघाडीच्या शिवसेनेच्या नगरसेविका ममता मोरे या नगराध्यक्ष तर राष्ट्रवादीचे नगरसेवक खालीद रखांगे हे उपनगराध्यक्ष पदी विराजमान झाले. शिवसेनेच्या बंडखोर उमेदवार शिवानी खानविलकर यांनी महाविकास आघाडीच्या उमेदवार ममता मोरे यांनाच मतदान केले. यामुळे त्यांच्यावर कारवाईची असणारी टांगती तलवार तूर्तास दूर झाली असल्याचे बोलले जात आहे.