ऑनलाईन टीम / नवी दिल्ली :
दिल्लीत दिवसभरात 197 नव्या कोरोना रुग्णांची नोंद झाली. तर 10 जणांचा मृत्यू झाला आहे. त्यामुळे दिल्लीतील कोरोना बाधितांची एकूण संख्या 6 लाख 33 हजार 739 वर पोहचली आहे. यामधील 1,880 रुग्णांवर विविध रुग्णालयात उपचार सुरू आहेत.
दिलासादायक बाब म्हणजे काल दिवसभरात 367 रुग्णांची प्रकृती सुधारली असून त्यांना घरी सोडण्यात आले आहेे. तर आतापर्यंत 6 लाख 21 हजार 060 रुग्ण कोरोनामुक्त झाले आहेत. तर आतापर्यंत 10,799 जणांचा कोरोनामुळे मृत्यू झाला आहे. त्यामुळे दिल्ली वासियांची चिंता वाढली असून भीतीचे वातावरण निर्माण झाले आहे.
ताज्या आकडेवारी नुसार, दिल्लीत आतापर्यंत जवळपास 1 कोटी 02 लाख 89 हजार 461 टेस्ट करण्यात आल्या आहेत. त्यातील 47,467 आरटीपीसीआर टेस्ट आणि 29,401 रैपिड एंटिजेन टेस्ट एका दिवसात करण्यात आल्या आहेत.