नवी दिल्ली/ प्रतिनिधी
देशातील कोरोनाची दुसरी लाट अद्याप ओसरलेली नाही, शिवाय तिसऱ्या लाटेचा धोकाही वर्तवला गेला आहे. देशभरात मागील तीन दिवस सलग नवीन कोरोनाबाधितांची संख्या ही कोरोनातून बरे झालेल्यांच्या तुलनेत जास्त आढळून आली होती. त्यानंतर आता कोरोनामुक्त झालेल्यांची संख्या ही करोनाबाधितांपेक्षा जास्त आढळून आली आहे. मागील २४ तासांत देशभरात ४० हजार १७ रूग्ण कोरोनातून बरे झाले असून, ३८ हजार ६२८ नवीन कोरोनाबाधितांची नोंद झाली आहे.
दरम्यान, देशात मोठ्यासंख्येने नवीन कोरोनाबाधित रुग्ण आढळून येत असून, करोनाबाधितांच्या मृत्यू संख्येतही वाढ सुरूच आहे. तर, रोज आढळणारी कोरोनाबाधितांची संख्या ही करोनामुक्त झालेल्यांच्या तुलनेत कधी कमी तर कधी जास्त आढळून येत आहे.