नवी दिल्ली / वृत्तसंस्था
देशात कोरोना रुग्णांच्या संख्येत दिवसागणिक वाढ होताना दिसत आहे. भारतात गेल्या 24 तासांमध्ये 78 हजार 357 नागरिकांना कोरोनाची लागण झाली आहे. तर देशात कोरोना रुग्णांची संख्या 37 लाखांवर पोहोचली आहे. आता देशात कोरोना रुग्णांची संख्या 37 लाख 69 हजार 523 वर पोहोचली असून आतापर्यंत 66 हजार 333 रुग्णांचा कोरोनामुळे बळी गेला आहे. गेल्या 24 तासांत देशात 1 हजार 45 कोरोना रुग्णांचा मृत्यू झाला. सध्या देशात 8 लाख 1 हजार 282 रुग्णांवर उपचार सुरू असून 29 लाख 1 हजार 908 रुग्णांनी कोरोनावर मात केली आहे. बुधवारपर्यंत अखेरच्या चोवीस तासात देशात 1 हजार 45 जणांच्या मृत्यूची नोंद झाल्यामुळे एकूण बळींचा आकडा 66 हजार 333 वर पोहोचला आहे.