वार्ताहर/ संगमेश्वर
संगमेश्वर तालुक्यातील धामणी येथे रेल्वेची धडक बसून गवा रेडय़ाचा मृत्यू झाला आहे. सदरची घटना रविवारी घडली. धामणी रेल्वे मार्गावर गवा रेडा मृत अवस्थेत पडला असल्याची माहिती संगमेश्वर रेल्वे स्थानक प्रमुखानी देवरुख वनविभागाचे वनपाल सुरेश उपरे यांना सायंकाळी दिली.
वनविभागाचे अधिकाऱयांना ही माहिती कळताच वनविभागाचे उपरे,वनरक्षक नानू गावडे,शर्वरी कदम सह वनविभागाचे कर्मचारी घटनास्थळी दाखल झाले. धामणी यादववाडीतील ग्रामस्थांच्या सहकार्याने मृत गवा रेडय़ाची वनविभागाने विल्हेवाट लावली. सदरचा मृत गवा हा नर जातीचा असून सात वर्षाचा होता. यासाठी स्थानिक ग्रामस्थांचे चांगले सहकार्य लाभल्याचे वनविभागाच्यावतीने सांगण्यात आले.