ऑनलाईन टीम / कोल्हापूर
कोल्हापूर उत्तर विधानसभा पोटनिवडणुकीच्या पार्श्वभुमीवर काँग्रेसच्यावतीने उमेदवारी घोषित केलेल्या आणि कोल्हापूरचे दिवंगत आमदार चंद्रकांत जाधव यांच्या पत्नी जयश्री जाधव यांचा ही आज कोल्हापूर उत्तर विधानसभा पोटनिवडणुकीच्या उमेदवार म्हणुन अर्ज करण्यात आला. यावेळी जिल्ह्याचे पालकमंत्री सतेज पाटील, उमेदवार जयश्री जाधव यांच्यासह जिल्ह्यातील काँग्रेसचे नेते ही यावेळी उपस्थित होते.
यावेळी बोलताना सतेज पाटील म्हणाले कि, हे काँग्रेस अनुकूल वातावरण पाहून भाजपच्या पायाखालील वाळु सरकलेली आहे. त्यामुळेच चंद्रकांत पाटील हे आता वैयक्तीतीगत पातऴीवर टीका करत आहेत. तसेच ही निवडणूक लावून आपण चुक केल्याचं भाजपच्या लक्षात आलंय असं ही ते यावेळी म्हणाले. तसेच 2019 च्या निवडणूकीत भाजपने शिवसेनेच्या बरोबर राहत अपक्ष उमेदवार उभे केले आणि शिवसेनेच्या पाटीत खंजीर खुपसल्याच संपुर्ण जिल्ह्याने पाहीलेलं आहे. त्यामुळे भाजपबद्दल लोक चांगलेच जाणून आहेत.
गेल्या पन्नास वर्षात काँग्रेसने काय विकास केला हे सांगण्यासाठी आपण कधी ही बिंदू चौकात यायला तयार आहे. असं ते म्हणाले. तसेच ही निवडणूक दिवंगत आमदार चंद्रकांत जाधव यांच्यावर मृत्यू ओढवल्याने लढावी लागत आहे. कदाचीत भाजपला याचा विसर पडला आहे. म्हणुन ते रॅली काढतायेत मात्र काँग्रेसने हा विचार केला असुन कोणताही गाजावाजा न करता आपण हा अर्ज दाखल करत असल्याचं ही ते यावेळी म्हणाले. तसेच या निवडणूकीत काँग्रेस विजयी होईल असा ही दावा यावेळी सतेज पाटील यांनी यावेळी केला.