वार्ताहर / अथणी :
सरकारी नोकरी लावण्याचे आमिष दाखवून युवकांची फसवणूक केल्याप्रकरणी अथणी पोलिसांनी बळवाड (ता. अथणी) येथील एकाला अटक केली आहे. मुऱयाप्पा ऐनापूर असे त्याचे नाव आहे.
याबाबत मिळालेली माहिती अशी की, रोजंदारीवर काम करणाऱया युवकांना हेरून त्यांना सरकारी कायमस्वरुपी नोकरी मिळवून देण्याचे आमिष मुऱयाप्पाकडून दाखविण्यात येत होते. येथील एका आमदाराची ओळख सांगून त्यांच्यामार्फत ही नोकरी लावणार असल्याचे सांगत युवकांकडून पैशाची मागणी करायचा. मात्र, सत्ती व शेगुणशी येथील युवकांनी याबाबत तक्रार दाखल केल्यानंतर पोलिसांनी मुऱयाप्पा यास अटक केली. दरम्यान, अंगणवाडी येथे कायमस्वरुपी नोकरी लावण्याचे आमिष दाखवित काही महिलांची मुऱयाप्पाने आर्थिक लुबाडणूक केल्याचे समजते. याप्रकरणी पोलीस पुढील तपास करीत आहेत.