असे म्हणतात, की जगातील सर्वात श्रीमंतांपैकी एक म्हणून गणल्या जाणाऱया वॉर्नर बफेट याने वयाच्या 11 व्या वर्षापासून गुंतवणूक करण्यास प्रारंभ केला होता. त्या वयातच पैशाचे महत्त्व ओळखल्यामुळे ते आज जगातील सर्वात श्रीमंत व्यक्ती म्हणून सन्मानित झाले आहेत. त्यामुळे इतर पारंपरिक शिक्षणाबरोबरच आर्थिक व्यवहारांचे शिक्षणही बालवयातच मुलांना देण्याची संकल्पना आता मूळ धरू लागली आहे. बऱयाच पालकांना मुलांना आर्थिक शिक्षण द्यायचे? म्हणजे नेमके काय करायचे हे समजत नाही. त्यामुळे केवळ मुलांच्या हातात देणे आणि त्यांना योग्य प्रकारे खर्च करा, अशी सूचना करणे, एवढेच काम ते करू शकतात. तथापि, काही संस्थांनी आता मुलांसाठी आर्थिक पाठशाळा घेण्यास सुरुवात केली आहे.
या पाठशाळांमध्ये मुलांना पैसा म्हणजे काय? येथपासून ते पैशाचा लाभदायकरीतीने विनियोग किंवा गुंतवणूक कशी करावी? याचे व्यवहार्य शिक्षण दिले जाते. गुंतवणुकीची विविध साधने तसेच गुंतवणुकीचे प्रमाण यांची माहिती दिली जाते. पैसा वाचविणे म्हणजे पैसा वाढविणे असे नसून तो योग्य ठिकाणी गुंतवणूक करण्यातूनच त्याची वृद्धी होते, ही संकल्पना बालवयातच मुलांच्या मनात रुजविली जाते. हाती आलेल्या पैशाचा उपयोग केवळ एन्जॉयमेंटसाठी न करता त्यातील काही भाग हा सातत्याने गुंतविला पाहिजे, याचे शिक्षण मुलांना दिले जाते. ज्या मुलांनी हे प्रशिक्षण घेतले आणि त्याप्रमाणे त्यांना शक्मय होईल तितकी गुंतवणूक केली, ती मुले कोरोनाच्या आव्हानात्मक काळात आपल्या कुटुंबाचा काही आर्थिक भार स्वतःवर घेऊ शकली, असा अनुभव आहे.
दिल्ली, मुंबई इत्यादी महत्त्वाच्या शहरांमध्ये असे प्रशिक्षण ऑनलाईन देण्याची व्यवस्थासुद्धा काही तज्ञांनी केली आहे. विद्यार्थ्यांना दिल्या जाणाऱया पॉकेटमनीमधून प्रत्येक वेळी ठरावीक प्रमाणात रक्कम वेगवेगळय़ा गुंतवणूक साधनांमध्ये गुंतविल्यास वयाच्या 25 ते 40 व्या वर्षांपर्यंत या रकमेचा उपयोग आपल्याला जीवनात कसा करतो येतो? याचे प्रात्यक्षिकही या प्रशिक्षणातून दिले जाते.