राजेंद्र होळकर / कोल्हापूर
जिल्हा पोलीस दलातील पोलीस नाईक आणि महिला कॉन्स्टेबलमधील गैरकृत्याचे प्रकरण गेल्या आठवडय़ात चर्चेला आले होते. त्या प्रकरणाची चौकशी करुन चौकशी अंती ‘त्या दोघांना’ ही खाकी वर्दी कलंकित केल्याप्रकरणी दोषी धरुन नोकरीतून तडाकाफडकी निलंबित करण्यात आले, अशी माहिती पोलीस अधीक्षक डॉ. अभिनव देशमुख यांनी शनिवारी पत्रकाराशी बोलताना दिली.
पोलीस अधीक्षक डॉ. देशमुख म्हणाले, फुलेवाडी रिंग रोडवरील एका नगरातील बंगल्यात संबंधीत पोलीस नाईक आणि महिला कॉन्स्टेबलला रविवारी (दि.19) दुपारी अश्लिल चाळे करीत असताना पोलीस नाईक यांच्या पत्नीला मिळून आले होते. याप्रकरणी त्या पोलीस नाईकाच्या पत्नीने तक्रार दाखल केली होती. त्या तक्रारीची गांभीर्यान दखल घेवून चौकशी केली. चौकशीमध्ये तो पोलीस नाईक आणि संबंधीत महिला कॉन्स्टेबल दोषी आढळल्याने दोघांना ही नोकरीतून तडाकाफडकी निलंबित करण्यात आल्याचे सांगितले.