चालू आर्थिक वर्षात आयपीओ आणणार, सेबीकडे अर्ज
वृत्तसंस्था/ नवी दिल्ली
कपडय़ांच्या क्षेत्रात विपेती कंपनी फॅब इंडियातील आपली हिस्सेदारी अझीम प्रेमजी विकणार असल्याचे समजते. आपली काहीशी हिस्सेदारी प्रेमजी विकतील, असे सांगितले जातेय. दरम्यान, फॅब इंडिया आपला आयपीओ आणणार असून त्याकरिता नोव्हेंबरपर्यंत कंपनी सेबीकडे मंजुरीकरीताची सर्व ती कागदपत्रे सादर करेल. त्यानंतर 1 ते 2 महिन्यात सेबीकडून आयपीओला मंजुरी मिळू शकेल. सदरचा आयपीओ चालू आर्थिक वर्षात भारतीय भांडवली बाजारात दाखल होण्याची शक्मयता सांगितली जात आहे. सदरच्या आयपीओतून 1 अब्ज डॉलर्सची उभारणी केली जाणार आहे. आपल्या आयपीओ व्यवस्थापनासाठी कंपनी एसबीआय कॅपिटल मार्केट्स, आयसीआयसीआय सिक्मयुरिटीज व जेपी मॉर्गन यांच्यासह इतर गुंतवणूक बँकांसोबत चर्चा करते आहे.
प्रेमजी-निलेकणींची हिस्सेदारी
कंपनीमार्फत आयपीओतून 25 ते 30 टक्के हिस्सेदारी विकली जाऊ शकते. समभागधारक उद्योगपती अझीम प्रेमजी काही टक्के हिस्सेदारी विकू शकतात. आयटी क्षेत्रातील कंपनी इन्फोसिसचे सहसंस्थापक नंदन निलेकणी व त्यांच्या पत्नी रोहिणी निलेकणी हेही कंपनीचे समभागधारक गुंतवणूकार आहेत.