मुंबई
सार्वजनिक क्षेत्रातील बँक ऑफ महाराष्ट्रने डिसेंबर 2020 ला संपलेल्या तिसऱया तिमाहित निव्वळ नफ्यात 14 टक्के इतकी वाढ दर्शविली आहे. चालू आर्थिक वर्षात तिसऱया तिमाहीत महाराष्ट्र बँकेने 154 कोटी रुपयांचा निव्वळ नफा कमविला आहे. बँकेच्या डोक्यावरील कर्जाचा भार बऱयाच अंशी कमी झाला असल्याचे बँकेच्या सूत्रांकडून सांगण्यात येते. याचे रुपांतर नफा वाढण्यात झाल्याचे सांगितले जात आहे. मागच्या वर्षात समान कालावधीत बँकेने 135 कोटी रुपयांचा निव्वळ नफा कमविला होता. चालू आर्थिक वर्षाच्या तिमाहित बँकेचे एकूण उत्पन्न वाढून 3 हजार 577 कोटी रुपयांवर पोहचले आहे.