बांदा / प्रतिनिधी-
बांदा – गडगेवाडी येथे सेंट्रिगचे काम करणाऱ्या परप्रांतीय कामगाराच्या गळ्यावर वार करून खून केल्याची घटना बांदा येथे घडली. विश्वजित कालिपत मंडल (३४, मूळ रा. पश्चिम बंगाल, सध्या रा. बांदा गडगेवाडी) असे या कामगारांचे नाव आहे. विश्वजित हा बाहेरच्या खोलीत झोपला होता तर पत्नी, मुलगी व मुलगा आतील खोलीत झोपले होते. दररोजप्रमाणे दरवाजा उघडत नसल्याने मुलांनी हाका दिली. यावेळी दरवाजा उघडण्यासाठी गेलेल्या ग्रा प सदस्य मकरंद तोरसकर कुलूप तोडून आत प्रवेश केला त्यावेळी हि बाब उघडकीस आली. याबाबतची माहिती मिळताच बांदा पोलीस निरीक्षक, उपविभागीय पोलीस अधिकारी व श्वान पथक घटनास्थळी दाखल झाले. अधिक तपास बांदा पोलीस करीत आहेत.