सांगली / प्रतिनिधी
कोरोना महामारीच्या पार्श्वभूमीवर देशभरातील लॉकडाऊनमुळे असंख्य परप्रांतीय कामगारांचे स्थलांतर झाले. त्यामुळे आता अनलॉक 5.0 अंतर्गत काही अटी व शर्तींच्या आधारे सुरु झालेल्या औदयोगिक कंपन्यांना मोठया प्रमाणात मनुष्यबळांची कमतरता भासत आहे. या अनुषंगाने जिल्हा कौशल्य विकास रोजगार व उदयोजकता मार्गदर्शन केंद्र,सांगली या कार्यालयाच्या वतीने नोकरी इच्छुक बेराजगार उमेदवारांसाठी दिनांक 22 व 23 ऑक्टोंबर 2020 ऑनलाईन रोजगार मेळाव्याचे आयोजित करण्यात आले असल्याची माहिती सहाय्यक आयुक्त ज. बा. करीम यांनी दिली आहे.
या ऑनलाईन रोजगार मेळाव्यांतर्गत सांगली जिल्हयातील नामवंत विविध उदयोजकांकडील वेल्डर, फिटर, टर्नर, इंजिनिअरींग डिप्लोमा, या सारख्या पदांसाठी आवश्यक ती पात्रताधारक तसेच, एसएससी,एच्एससी,पदवीधर व पदव्यूत्तर उमेदवारांसाठी रिक्तपदे उपलब्ध करुन देण्यात आली आहेत.
सदरचा मेळावा हा केवळ ऑनलाईन पसंतीक्रम नोंदविणा-या उमेदवारांसाठीच घेण्यात येणार आहे. इच्छुक बेरोजगार उमेदवारांनी दिनांक 21 ऑक्टोबर 2020 पर्यंत आपापले पसंतीक्रम नोंदवून या संधीचा न चुकता लाभ घ्यावा, असे आवाहनही सहाय्यक आयुक्त, ज. बा करीम यांनी केले आहे.
Previous Articleतासगाव तालुक्यात 10 गावात 17 रुग्ण
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.