वारणानगर / प्रतिनिधी
कोल्हापूर – रत्नागिरी राज्य मार्गावर बोरपाडळे ता. पन्हाळा येथील घाटात स्कोडा कारने पेट घेतल्याने कार मधीत एकाचा जळून जागीच मृत्यू झाला.
दुपारी साडेचारच्या सुमारास घडलेल्या या आपघाताची नोंद कोडोली पोलिसात झाल्याने घटनास्थळी सहा पोलीस निरीक्षक दिनेश काशिद पोलीस पथकासह पोहचले. कार मधील जळून मृत्यू पावलेल्या व्यक्तीची ओळखणे कठीण झाले आहे. ही स्कोडा कार पुणे येथील आरटीओ पासिंगची आहे. स्थानिक व्यक्तीने खरेदी केल्याची चर्चा आहे. मृताची ओळख पटवणे कठीण झाले असून ओळख पटवण्यासाठी पोलीसांनी प्रयत्न चालू केले आहेत. उत्तरीय तपासणीसाठी मृताचा मृतदेह बोरपाडळे प्राथमिक आरोग्य केंद्रात आणला आहे.