वृत्तसंस्था/ नवी दिल्ली
इटलीतील व्हिलेसी येथे सुरू असलेल्या 17 वर्षांखालील वयोगटाच्या महिलांच्या सहाव्या टॉरेनो चषक फुटबॉल स्पर्धेतील रविवारी खेळविण्यात आलेल्या सामन्यात मेक्सिकोने भारताचा 2-0 अशा गोलफरकाने पराभव केला.
या सामन्यात मेक्सिकोतर्फे कॅथरिन सिलास आणि ऍलेसी गॅलेगोस यांनी प्रत्येकी एक गोल नोंदविला. मध्यंतरापर्यंत मेक्सिकोने भारतावर 1-0 अशी आघाडी घेतली होती. सामन्याच्या पूर्वार्धात सिलासने मेक्सिकोचे खाते उघडले. ऍलेसीने उत्तरार्धात मेक्सिकोचा दुसरा गोल नोंदवत भारताचे आव्हान संपुष्टात आणले. भारताला शेवटपर्यंत आपले खाते उघडता आले नाही.