कुर्डुवाडी : प्रतिनिधी
माढा तालुक्यात परिस्थिती वरचेवर बिकट होत चालली आहे. शुक्रवारी आणखी २ रुग्ण कोरोनाबाधित झाले असल्याची माहिती तालुका आरोग्य विभागामार्फत देण्यात आली.
माढा तालुक्यात शुक्रवारी ३७ अँटिजेन टेस्ट घेण्यात आल्या त्यामध्ये ३५ जण निगेटिव्ह आले असून रिधोरे येथील एक महिला व इर्ले (बार्शी) येथून आलेली एक महिला पाॅझिटीव्ह असल्याचे आढळले . तसेच शुक्रवारी तालुक्यातील एकूण ५७ जणांचा आज थ्रोट स्वॅब घेण्यात आला आहे.
आजपर्यंत ४४५ जणांचा अँटेजेन टेस्ट घेण्यात आली त्यामध्ये ३१ जण पाॅझिटीव्ह आले.तर आजपर्यंत थ्रोट स्वॅब एकूण ३२७ घेण्यात आले त्यामध्ये ७१ जण पाॅझिटीव्ह आले. यानुसार माढा तालुक्यात आजवर १०२ कोरोना बाधित रुग्णांची नोंद झाली आहे.